Teu dumasar kana ngadegna karajaan tapi dumasarkeun kana titimangsa se're'n sume're'nna kakawasaan ti Pajajaran ka Sumedang Larang dina jaman Ratu Pucuk Umun Inten De'wata (ibuna Prabu Geusan Ulun/rundayanana kagenep).
Nu kacatet dina sajarah, tanggal 22 April taun 1578 Mase'hi sabada Pakuan burak ku panarajang Banten, raja Pajajaran ngutus opat Kandaga Lante' pikeun masrahkeun mahkota jeung saparangkat pusaka pikeun diserahkeun ka Ratu Sumedang pikeun neruskeun tapak lacak Pajajaran sangkan terus langgeng heubeul di buana, jadi puseur kakawasaan Tatar Pasundan.
Wilujeng milangkala Kabupate'n Sumedang mugi tetep tandang, Sumedang nu kungsi ngarangrangan kiwari keur ngadaun ngora jadi deui puseur budaya Sunda.
